Kaldvík, áður Ice Fish Farm, var tekið til viðskipta í dag á First North vaxtarmarkaði Nasdaq Iceland klukkan 9.30 við opnun markaða.

Í fréttatilkynningu þess efnis segir að til að marka þau tímamót hafi skráningarathöfn verið haldin eftir lokun markaða í gær við bryggju Randúlffssjóhúss á Eskifirði, þar sem höfuðstöðvar félagsins eru.

Guðmundur Gíslason, forstjóri Kaldvíkur, hringdi bjöllunni ásamt framkvæmdastjórn, stjórn félagsins og Magnúsi Harðarsyni, forstjóra Nasdaq Iceland, að viðstöddum gestum.